குயிலின் கூச்சலில்
திறந்த செவிகளோ
சாலையின் ஒலியில்
செவிகள் அடைத்தன
நிலவின் ஒளியில்
திறந்த கண்களோ
புகைச்சலை பார்த்து
கண்கள் மூடின
பூக்களின் வாசத்தை
நுகர்ந்த நாசியோ
சாக்கடை துர்நாற்றத்தில்
நாசிகள் மூடின
சிறு குழந்தையை பார்த்து
மகிழ்ந்த இதயமோ
கொலையும் கொள்ளையும் பார்த்து
பயந்து துடித்தன...
கவிதை எழுதிட காரணம் தேடினேன்...
கண்ணால் கண்ட காரணங்கள் சில
கனவில் கண்ட காரணங்கள் பல
நினைவில் வந்த காரணங்கள் சில
நினைவால் வந்த காரணங்கள் பல
இயற்ற நினைத்த காரணங்கள் சில
இயற்கை தந்த காரணங்கள் பல
எழுத நினைத்த காரணங்கள் சில
எழுதாதிருக்கும் எழுத்துக்கள் பல...
கவிதை எழுதிட வார்த்தைகள்
தேடினேன்
வார்த்தைக்கு இடையே கவிதையை
தேடினேன்
வார்த்தையும் கிடைத்தது என்
கவிதையும் பிறந்தது
மரத்திலுருந்து விழும் மழைத்துளிகளை
பார்க்கையிலே...
