மெழுகும் தீயும்

எரியும் தீயின்

ஒளியை பார்த்து

பூரித்தது ஒருபக்கம்

தீயில் கரையும் 

மெழுகை போல

உருகியது மறுபக்கம்

எரியும் தீயின் ஒளியோ

கண்ணை பறித்தது

தீயில் கரையும் மெழுகோ

கண்ணை நினைத்தது

உருகும் மெழுகாக

நானும்

நான் தாங்கும் தீயாக 

என் கனவும்

இருந்திட ஆசைக்கொண்டேன்

நான் என்னும் மெழுகு

அணையும் வரை

கனவுத்தீ எரிந்திருக்கும்...

இன்றைய சுதந்திரம்

அரசியல் என்னும் சக்கரத்தை அமைத்து

ஜாதியெனும் கைப்பிடியை கொண்டு

பணத்தால் மேல்கூரை அமைத்து

ஜெனநாயகம் என்னும் கடிவாளத்தால் இணைத்து

மக்கள் என்னும்  சக்தியைக்கொன்டு இழுக்கவைத்து

மேல்குடியின் வளர்ச்சி பாதையை நோக்கி

சென்று கொண்டிருப்பதே

நமது சுதந்திர தேசம்...

கண்ணாடியும் நானும்

பேசவேண்டிய பொழுதுகளில் 

          பேசாமல் இருந்து

                 விழியால் பேசிக்கொண்டோம்

கடிதங்களும், கவிதைகளும்

          பல எழுதிக்கொண்டு

                 மொழியால் பேசிக்கொண்டோம்

 

வார்த்தைகள் போதாமல் 

           வரிகளை தீட்டி

                  இசையால் பேசிக்கொண்டோம்

பேசிக்கொண்டு பேசிக்கொண்டு

             பேசிக்கொண்டிருக்கையில்

                   பேசாமல் இருந்ததேனோ          

                           என் கண்ணாடி பிம்பமே...